श्रीदेव लक्ष्मीकांत (केशवराज) मंदिर हे दापोली तालुक्यातील आसूद या निसर्गरम्य अशा गावात वसलेले अतिशय देखणे असे देवस्थान आहे. विष्णूंचे जागृत देवस्थान म्हणून प्रसिद्ध असलेले हे मंदिर पांडवकालीन असून, ५००० वर्षांपूर्वी प्रत्यक्ष पाच पांडवांनीच याची बांधणी एका रात्रीमध्ये केलेली आहे. काळ्या दगडामध्ये बांधलेले हे मंदिर, कोकणातील स्थापत्य शैलीचा उत्तम नमुना आहे. या मंदिरामधील श्रीदेव केशवराज (लक्ष्मीकांत) मुर्ती ही काळ्या पाषाणातील असून ३.५ फूट उंचीची आहे. या मुर्तीच्या हातामध्ये शंख, चक्र, पद्म आणि गदा अशी आयुधे आहेत.